分享生活小天地

弊弊弊！遲到添！早上聽不到鐘聲遲了起來！之後又不知道為甚麼個天要玩我，地鐵又信號故障！好啦好啦，快快讓我想個藉口..... 老闆要打黎喇！！！！！！！！

1. 我.... 我沖涼的時候，洗頭一起身，哇撞親個頭仲暈左呀！！！！！！
2. 尋晚我出去陪客飲酒，飲大左唔記得左自己架車泊左去邊呀，搵唔番呀！所以咪遲到囉！
3. 我老婆／老公囉，比我發現佢偷食呀！今朝我見住佢擺明係出去搵個狐狸精／佬，咪去跟蹤佢囉！拿，所以我咪遲到囉！
4. 唉，唔好提喇！我架車無油去入啦，點知去到油站比人打劫！又會咁岩，我架車又唔夠油去另一個油站，Sorry囉，搞到遲左到！
5. 我咩呀... 我等人黎保釋我先走到呀，咁咪遲左囉！
6. 講你聽都唔信呀！我架車唔知做咩訓左條友係度！咁我要報警乜乜乜，咪遲左囉！
7. 我無遲到架！一路番黎我都係無停過咁諗緊工作上既野！我無遲到呀！
8. 哇，嚇死我呀，我發夢見到我比你炒左呀！一定唔會啦！我無遲到呀嘛？
9. 係咁既，我今朝同平時一樣去車場拎車番黎啦，點知我個車胎比人偷鬼左，你話咁我點會準時番到黎丫！
10. 我跌左個電話去屎坑呀！咁我晏Ｄ要見客，我咪死都要撈番佢上黎囉。搞搞下咁就遲左喇！

大家唔好笑住，睇落以上既藉口都好鬼離譜，完全唔係理由的理由，但您知不知道，這些可是來自一個招聘網站的問卷調查而得來的。在調查當中，他們發現在5,000位的人事部從業員當中，23%的承認自己一個月至少遲到1次，而另外更有14%表示自己一星期就會遲到1次。此外，當問到老闆聽過最離譜的遲到藉口時，沒錯，就是您以上看到的10個了。唔好話唔教精你地，真係千祈唔好用上面個10個藉口呀！

By 原文連結: 10個離晒大譜的遲到藉口