分享生活小天地

喺香港地做打工仔，「湊上司」係人工包埋，如果遇著個正常上司，咁都無咩所謂，但如果係遇著啲令人難堪嘅上司，咁就真係人生最痛苦嘅事喇，以下五種令人難堪嘅上司，唔知你有無遇到呢?

1) 24小時Whats'app交代工作。有一種上司，自己係工作狂，可以一日24小時都工作，而佢往往會一諗起啲「公事」時，就會即刻搵班同事，唔會理幾多點，唔會理個時係咪放緊假放咗工，如果佢搵唔到你，就會一路send訊息畀你直至佢搵到你為止。而最難堪嘅，係你發現佢搵你嘅事情，根本就不需要即時去做，可以返工先解決......

2) 鍾意整野食但整野好難食又要請同事食。上司鍾意整野食仲肯請同事，好似係一件好事，但如果你嘅上司整嘅係暗黑曲奇、奇味cup cake，咁就另作別論。而且上司叫到，你能夠拒絕唔食嗎? 食完問你覺得點，你夠膽話唔好食嗎?

3) 品味很奇怪而且次次著新衫都問你覺得點。呢個唔單止男上司，仲包括女上司，你唔明點解佢可以將棵聖誕樹著上身，下身又配對螢火鞋都敢著出街，你明明望到都想扭轉面，但偏偏佢又要喺你身邊行來行去，最終仲要問你:「好唔好睇呀?」大佬，你係上司，我實話好睇架，唔通我笑你好似笑啲死黨咁咩?

4) 鍾意搵你傾心事。能夠同上司做好朋友，同伴君如伴虎嘅道理一樣，不過如果上司好喜歡你，係都要同你傾心事，真係放咗工都仲要「湊老闆」。

5) 好鍾意睇住你做野。有種上司，佢好喜歡企正係下屬隔離，睇住佢做野，即使下屬識做都好，都係喜歡眼定定望住哂，畀人睇住你點做野，個壓力真係好大架。

By https://hk.style.yahoo.com/post/137734370823/%E4%B...