分享生活小天地

去日本爆買已經成為每位香港人每年的指定動作，加上日圓去到接近6算的超低位，點到你控制到？不過大家都知去日本爆買，退稅是一大學問，邊度退？邊啲可以退？退稅手續？簡直可以出本攻略。

自從2014年10月日本將退稅的條例由每日每店1萬日圓，降低至5千日圓就可退之後，幾乎買少少已經可以享有退稅優惠！但當年的措施只適用於消耗品，即是化妝品、食品、飲品等等，都是比較平價的，要一張買滿5千日圓，不免要左計右計，而其他商品例如電器則依然要1萬日圓以上才能退稅。不過，日本剛公布新的退稅措施，2016年5月開始，連電器用品都可以享用5千日圓退稅的門檻！買個電鬚刨、洗面機都隨時可以退稅8％！嗱，好消息就講完，到壞消息，日本目前8%的銷售稅將在2017年4月開始調高至10%，即是話每件商品有1成的價錢都是稅呀！唉！「能大唷！」要去日本爆買，記得要趕係呢個日子前去喇！

日本退稅政策將在2016年5月起有所改動。
(圖片來源: lovetotraveltokyo@tumblr)

超市內買飲品超過5千日圓都可以退。
(圖片來源: ourtokyometropolls@tumblr)

5月起連電器滿5千日圓才可以退稅，BIC Camera我嚟喇！
(圖片來源: ksaishappy@tumblr)

By https://travel.yahoo-leisure.hk/post/content/13735...